A alarma saltou cara as 12 do mediodía por unha chamada sospeitosa. A Policía desaloxou ao persoal da empresa Bosch, que unha hora despois volveu ao traballo.
Amenaza de bomba obliga a desalojar la nave de #Bosch en #Vigo @Farodevigo http://t.co/e2KyhQPpxP @alikense pic.twitter.com/mLZZI4AwAk
— InfoEmergencias (@InfoEmerg) octubre 24, 2014
Todo foi unha falsa alarma. Unha chamada cara as 12 do mediodía obrigou a desaloxar aos 750 traballadores e traballadoras das instalacións da empresa Bosch, a segunda maior de Vigo, por ameaza de bomba.
A chamada foi realizada presuntamente dende Granada, segundo fontes de Bosch, por unha persoa que fóra rexeitada nun proceso de selección. As pescudas policiais apuntan a que o sospeitoso tería ameazado por esta razón á empresa.
A Policía inspeccionou os tres centros de Bosch en Vigo, sen encontrar ningún artefacto, e unha hora despois o persoal se reincorporou ao traballo nas oficinas da Avenida de Madrid.