Imprimir

Os catro mortos sen nome do Barrio do Cura

Redacción | @VigoDixital | 24 de Septiembre de 2014

Barrio do Cura [Imaxe: faltadeingenieria.wordpress.com]

O colectivo Imán convoca un acto na honra das persoas sen fogar falecidas  durante os últimos meses nas ruínas do histórico barrio da cidade.

Polo menos catro persoas morreron no que vai de ano no antigo asilo do Barrio do Cura ou nos seus arredores. Mortes anónimas, de persoas que vivían en condicións infrahumanas, que o colectivo Imán homenaxeará este mércores ás 11.30 horas na porta do asilo na rúa Pi y Margall.

“Con elo pretendemos lembrar por un momento a tódalas persoas que morren ano tras ano, a causa das enfermidades crónicas e a pobreza severa, e a falla de resposta da Administración Local ante as situacións de urxencia social, e as necesidades vitais e inaprazábeis das persoas, por carecer de recursos materiais e humanos suficientes para atender a demanda de axuda social”, denuncia o Imán, que estará acompañado pola parroquia do Cristo da Vitoria de Coia.

Mentres, o proxecto inmobiliario para o histórico barrio da cidade, abandonado e en ruínas, segue adiante. Os trámites económicos están desbloqueados, logo de que Patrimonio dera luz verde á última proposta, e só falta a entrada de capital ruso á empresa construtora, Karpin y Asociados SL. 

Puede ver este artículo en la siguitente dirección http://vigodixital.opennemas.com/articulo/social/catro-mortos-nome-do-barrio-do-cura/20140924111221000503.html

Vigo Dixital
© 2019 Vigo Dixital

VIGO dixital | Información local ao servizo da veciñanza
>Na Rede desde o 1 de setembro de 2014


     
Desarrollado por Openhost con:      
OpenNeMaS CMS OpenHost S.L. Opennemas CMS