Imprimir

O latexar celeste

Silvia B.P. | @SilviaBP10 | 01 de septiembre de 2014

[Imaxe: Silvia B.P.]

Tres meses despois o corazón volveu a latexar no vello municipal de Balaídos.Como se o tempo non pasara na súa ausencia, continuou a festa da pasada tempada. Un día despois de cumprir 91 anos o Celta regalou un bo partido e tres puntos a súa afección.

 

Ilusión é a palabra que mellor describe ao celtismo nestes momentos. Cos pés na terra e a ilusión polas nubes. Despois de todo o sufrido, unha non pode evitar o optimismo deste arranque ligueiro, precedido por unha pretempada exemplar.

Un corazón celeste empurrado por miles de gorxas que tras mil batallas sempre vencen ao silencio

Na segunda xornada a festa non foi completa. Andalucía revelouse e non será tan celeste como a pasada tempada. Un empate e moi boas sensacións. O peor do encontro foi algo totalmete alleo a ambos os dous equipos, unha retransmisión ao máis puro estilo Cuatro. Desas que deixan a tele en silencio para non aturar as parvadas dos de sempre.

Volvamos ao que importa. O Toto encaixa as pezas e consigue que o colectivo estea por riba das individualidades. Unha competencia sana en cada posto que mellora o rendemento individual e o do conxunto. Terán que pasar varias xornadas para coñecer ao "titulares" deste Celta.

Balaídos volveu a latexar. Un corazón celeste empurrado por miles de gorxas que tras mil batallas sempre vencen ao silencio. Comezou o espectáculo. Non traten de entendelo, simplemente hai que sentilo.

Sempre Celta!

@SilviaBP10

Puede ver este artículo en la siguitente dirección http://vigodixital.opennemas.com/articulo/afouteza-celeste-por-silvia-bp/latexar-celeste/20140831224257000281.html

Vigo Dixital
© 2019 Vigo Dixital

VIGO dixital | Información local ao servizo da veciñanza
>Na Rede desde o 1 de setembro de 2014


     
Desarrollado por Openhost con:      
OpenNeMaS CMS OpenHost S.L. Opennemas CMS