Imprimir

A Policía recibe a centos de turistas cunha nova 'macroredada' no mercado da Pedra

Redacción | @VigoDixital | 15 de octubre de 2014

Operación policial no mercado da Pedra

Decenas de axentes da Policía Nacional e do Servizo de Aduanas da Axencia Tributaria rexistran dende esta madrugada tendas e locais do mercado vigués en busca de falsificacións.

Nova operación policial contra a venda de falsificacións no mercado da Pedra. Decenas de axentes da Policía Nacional e do Servizo de Aduanas da Axencia Tributaria rexistran dende esta madrugada tendas e locais do mercado vigués e os seus arredores, nunha nova  'macroredada' que recibe o nome de Operación Cuarzo.

Algúns comerciantes están a colaborar cos axentes nas inspeccións, mentres que outros locais foron abertos pola forza. Até cinco locais dos arredores do mercado tamén foron precintados. Documentación e produtos, supostamente falsicados, foron incautados nunha operación que se prevé, segundo fontes policias, que se extenderá ao longo do día.

A redada coincide coa chegada de centos de turistas no 'Independence of the Seas', que miraban con curiosidade o amplo dispositivo policial, que se extende por todo o Casco Vello con até sete unidades policiais. Prodúcese un mes despois de que o mercado vigués fora incluido polas autoridades norteamericanas na lista negra de mercados que venden falsficacións.

[AMPLIACIÓN]: Primeiros detidos na Operación Cuarzo. Polo momento son once as persoas detidas, segundo informou o Tribunal Superior de Xustiza de Galicia, por participar presuntamente na venda ilegal de produtos prohibidos e de tabaco. Ademais dos delitos de contrabando e contra a propiedade industrial, poderían ser acusados de fraude fiscal e branqueo.

Os comerciantes do Casco Vello mostraron o seu descontento coa intensa prensenza policial, que é o primeiro que se encontran os turistas na súa chegada en Vigo. 

Puede ver este artículo en la siguitente dirección http://vigodixital.opennemas.com/articulo/social/policia-recibe-centos-turistas-cunha-macroredada-na-pedra/20141015133621000624.html

Vigo Dixital
© 2019 Vigo Dixital

VIGO dixital | Información local ao servizo da veciñanza
>Na Rede desde o 1 de setembro de 2014


     
Desarrollado por Openhost con:      
OpenNeMaS CMS OpenHost S.L. Opennemas CMS